開心嘅時候過得零舍快，明天就要回香港；今日梗係盡情再玩下，同阿女去咗睇卡通電影啦
，然後兩人手拖手去食晚餐，開開心心又一天啦
今次我同女女一齊睇嘅電影,個名叫做《小蜜蜂瑪雅之蜂蜜保衛戰》。這部戲嘅內容 非常正面有意義。 主要講男主角小蜜蜂，佢點樣同佢個隊友，以一個公平公正嘅形式贏咗比賽，而且更加令到對手覺得慚愧，而最後大家成為好朋友添~
呢個故仔非常有教育意義，教小朋友在任何情況之下，都要保持一個正義同埋純真嘅心，千祈唔好為咗取勝，用那渣招及出賣朋友。咁樣就算贏咗比賽都輸咗人格。所以我們睇完之後，都超級鍾意!
其實好多人唔知, 澳門文化中心喺每年暑假7至8月，都會例行舉辦國際電影節,其中更有一個固定嘅主題,就係國際兒童卡通片巡禮啦^0^
澳門文化中心（葡萄牙語：Centro Cultural de Macau，英語：Macao Cultural Centre）位於澳門半島大堂區新口岸新填海區孫逸仙大馬路，近澳門金沙步行2分鐘到, 位置非常方便。
澳門文化中心係澳門特別行政區一個大型表演場地，為澳門唯一的國際級文化藝術表演場地。它也係每年澳門國際音樂節、澳門藝術節的主要節目表演場地。
澳門藝術博物館總面積達10192平方米，樓高5層，內設有5個展覽館，展覽面積近4000平方米，為澳門最大的視覺藝術展出空間。
文化中心還設有餐廳、咖啡座、酒吧、售票處和詢問處等…..澳門文化中心不時都有唔同嘅音樂節目、戲劇、同埋活動㗎。如果大家有興趣嘅話，可以瀏覽佢個官網: http://www.ccm.gov.mo/，睇下最新活動啦~
(以上圖片來自網路)
———————————————————————
中意我的分享, 記得LIKE我的【Lamlam脷美味生活】
「美味廚房 + 親子趣事 + 開心旅遊」
FB: https://bit.ly/32vhDht
IG: https://bit.ly/3lz69lU
YouTube: https://bit.ly/35wRmSW
———————————————————————
© Tastylife.hk | 2020