天氣開始轉涼喇，早餐好想食一碗熱騰騰自家粥 x 豉油王炒麵，食完成身暖烘烘的。
【豉油王炒麵】食譜
「自家炮製」豉油王炒麵。其實煮起上來一啲都唔難，亮點在於自製蒜油上，加入炒麵，可令香氣立即「升呢」！
材料：(2-3人)
- 炒麵餅 (2個)
- 炒熟白芝麻適量
- 洋蔥1/2個(切絲)
- 紅蔥頭2個 (切絲)
- 韭黃1束(切段)
- 蔥花適量
調味：
- 甜豉油6湯匙
- ABC醬油2湯匙
- 蒜油2湯匙
做法：
1. 首先將炒麵餅，放滾水裡加鹽，煮至熟，過冷河代用。
2. 平底鑊放少少蒜油，炒香洋蔥、紅葱頭及韭黄至軟身。
3. 然後放入熟麵，加調味醬，改中小火炒到色水均勻，最後放上蔥花拌勻即可。
4. 將炒麵放入碗裡，然後灑上白芝蔴，再加些少蔥花裝飾。
【薑蔥魚腩粥】食譜
至於薑蔥魚腩粥，煮粥呢，最緊要就係粥底靚！一碟豉油王炒麵送粥，零舍好味！
粥底材料:(2-3人)
- 米與水最理想黃金比例
- 兩杯米（約400g）
- 4公升水
- 浸了最少兩小時的細乾貝絲數粒
- 雞湯250毫升
- 芹菜4條、切粒（最後10分鐘後下）
魚腩粥材料:
- 以上粥底
- 薑絲及蔥花適量
- 新鮮鯇魚腩 4至6片
- 鹽適量
- 薑汁（煮好後，才下）
做法：
- 凍水落米及以上所有材料，煲滾後改中火煮30分鐘，最後下芹菜粒煲10分鐘熄火，如果想粥底稀一點，可自行加水。
- 煲好了粥底，將適量的粥另放小鍋煮滾，跟著放下魚腩、薑、蔥改成中細火，煮到魚肉變白，立即熄火。
- 最後加上適量鮮榨薑汁、少少鹽調味，就可以裝上碗啦，吃得！
