今次學「可愛粉紅小豬」和菓子, 睇miss示範好似好簡單, 自己落手落腳就真係要眼大心細
「可愛粉紅小豬」和菓子如何整?
Step 1: 準備上圖材料(可製成6個和菓子）
和菓子外皮：
- 白荳蓉 150g (烘焙店有售, 記得包上保鮮紙待用）
- 熟糯米團18g (將15g糯米糰加14g暖水搓成團後, 放入滾水煮約2分鐘浮起, 即可撈起, 攤凍待用, 記得包上保鮮紙待用）
- 固體植物油5g (1茶匙）
- 食用色粉 (烘焙店有售, 綠色可用抹茶粉, 紅色可用紅菜頭粉,黑色可用竹炭粉……）
餡料：
紅豆沙蓉 66g (烘焙店有售, 分為6小粒, 記得包上保鮮紙待用）
其他用具：
- 保鮮膜幾片 (包粉團之用, 以免乾身)
- 膠手套1對
- 牙籤1個
- 熟黑芝麻少許（做豬仔眼睛）
- 和菓子造型筆/用具
- 食用水10ml
- 和菓子盒1×6 (烘焙店有售)
Step 2: 整麵團
將白荳蓉團分成10小顆, 和熟糯米團混合, 用手掌反覆揉捏至白荳蓉和糯米糰, 徹底融合在一起, 再逐些加適量固體植物油至掌心, 用手掌反覆揉捏粉團至軟身,
再可加上少許「紅菜頭粉」食用色素」調成肉色
將和菓子外皮包分為7小粒（記得包上保鮮紙, 以免要變乾, 待用）
Step 3: 整粉紅湯圓
取其中6粒粉團, 每粒粉紅外皮用掌心撳扁至直徑10cm圓形厚皮, 然後加上紅豆蓉（見上圖）, 用手掌嘅虎口位逐啲逐啲將佢包成粉紅湯圓及封口, 然後放置於兩個掌心輕輕揉成圓咕碌嘅湯圓（記得包上保鮮紙待用）
Step 4:整好6個粉紅嘅湯圓, 可置於盒內保持其濕潤, 待用
Step 5: 整「粉紅」和菓子造型
取出一個「有紅豆餡」的粉紅湯圓, 用手心揉成橢圓狀, 用牙籤在橢圓中輕輕力界一下
用淨下嘅粉紅外皮, 取少許整個小橢圓狀粉團當豬鼻, 用和菓子筆用刷少許水將豬鼻黐在粉團上, 然後用牙籤篤兩個鼻窿
, 豬豬已見雛型。
然後用牙籤在豬鼻兩側用牙籤篤兩個窿, 將黑芝麻放入去當做眼。取粉紅外皮, 整成豬仔4個手手腳腳, 2個豬耳, 用和菓子筆用刷少許水將其黐在粉團上, 然後用牙籤再壓一壓腳仔變成豬蹄, 同埋幫豬耳以修一修型。
再用深色嘅紅色粉團, 整個kawaii嘅愛心, 黐在豬豬嘅胸口上 , 登…登….登….可愛嘅豬仔造型就做成啦！
Step 6: 整「粉紅」和菓子造型
除咗多個豬仔造型, 圓咕碌的「粉紅小豬」企喺度, 加埋個sexy 豬囉柚及及迷你捲起小豬尾, 造型更加kawaii呢
今次學完, 應該都有排練呀, 啱啱好女女7月2號就考完試, 捉埋佢一齊整可愛和菓子造型, 下次挑戰阿女至愛「
白兔仔」先！